لندن میں موجود سابق وزیر خزانہ کو گردن میں خطرناک انفیکشن کے باعث شدید تکلیف ہے
اسحاق ڈار کی تکلیف کا جائزہ لے رہے ہیں‘نجی اسپتال میں علاج شروع ہوگیا ہے ‘ڈاکٹرز
لندن (مانیٹرنگ ڈیسک) اسحاق ڈار کی طبیعت تشویش ناک حد تک بگڑ گئی، ہنگامی طور پر ہسپتال منتقل کر دیا گیا، لندن میں موجود سابق وزیر خزانہ کو گردن میں خطرناک انفیکشن کے باعث شدید تکلیف ہے، نجی ہسپتال میں علاج شروع کر دیا گیا۔ تفصیلات کے مطابق بتایا گیا ہے کہ سابق وزیر خزانہ اور مسلم لیگ ن کے سینئر رہنما اسحاق ڈار کی طبیعت بگڑ گئی ہے۔خاندانی ذرائع کی جانب سے بتایا گیا ہے کہ سابق وزیر خزانہ اسحاق ڈار کو پیر کے روز گردن میں انفیکشن کے باعث شدید تکلیف ہوئی جس کے بعد انہیں ہنگامی طور پر لندن کے ایک مقامی ہسپتال میں منتقل کر دیا گیا۔ مزید بتایا ہے کہ ڈاکٹرز اسحاق ڈار کی تکلیف کا جائزہ لے رہے ہیں۔ جبکہ انہیں علاج کیلئے ہسپتال میں داخل کر لیا گیا ہے۔
