فلوریڈا واقعہ مجرمانہ فعل ہے، مذمت کرتے ہیں، سعودی وزیر مذہبی امور

ریاض (صباح نیوز) سعودی عرب کے وزیر برائے مذہبی امور ڈاکٹر عبداللطیف آل الشیخ نے امریکی ریاست فلوریڈا کے ایک فوجی اڈے پر سعودی فوجی کے ہاتھوں فائرنگ کے نتیجے میں 3 امریکی فوجیوں کی ہلاکت کی مذمت کی ہے اور کہا ہے کہ یہ واقعہ سعودی عرب کے عوام کی سوچ کی عکاسی نہیں کرتا۔ غیر ملکی خبررساں ادارے کے مطابق انہوں نے واقعے کو مجرمانہ قرار دیا اور کہا کہ سعودی قوم اس طرح کے واقعات کو مسترد کرتی ہے۔