نیویارک(اے پی پی) چین نے مقبوضہ کشمیر کی بگڑتی صورتحال پر پاکستان اور بھارت میں تعینات اقوام متحدہ کے مبصرین سے رپورٹ طلب کر لی۔ چینی سفیر ژونگ جن نے 15رکنی سلامتی کونسل کے بند کمرے میں ہونے والے اجلاس میں کشمیر کی صورتحال پر گہری تشویش کا اظہار کرتے ہوئے مسئلہ دوبارہ اٹھا۔انہوں نے مطالبہ کیا کہ اقوام متحدہ کے فوجی مبصر گروپ برائے بھارت و پاکستان کے مبصرین عالمی ادارے کو کشمیر کی سنگین صورتحال کے بارے میں تفصیلی بریفنگ دیں۔ ژونگ جن نے اجلاس کو بتایا کہ وہ سلامتی کونسل سے اس وقت اپنا اجلاس دوبارہ بلانے کی درخواست کریں گے جب اقوام متحدہ کے فوجی مبصرین کی کشمیر کی صورتحال کے بارے میں رپورٹ تیار ہوگی۔ صحافیوں سے گفتگو کرتے ہوئے انہوں نے اجلاس کی مزید تفصیل بتانے سے گریز کیا۔
