اسلام آباد( ماینٹرنگ ڈیسک) اٹارنی جنرل آف پاکستان انور منصور خان کا کہنا ہے کہ جسٹس وقار سیٹھ کے خلاف ایکشن سے غداری کیس کے فیصلے پرکوئی اثرنہیں پڑے گا۔ نجی ٹی وی کو انٹرویو دیتے ہوئے انہوں نے وزیراعظم عمران خان کی معاون خصوصی برائے اطلاعات فردوس عاشق اعوان کے دعویٰ کی نفی کردی۔انورمنصور کا کہنا تھا کہ جسٹس وقار سیٹھ کا معاملہ سپریم جوڈیشل کونسل میں جانے کا خصوصی عدالت کے فیصلے سے کوئی تعلق نہیں،سپریم جوڈیشل کونسل کا معاملہ صرف جسٹس وقار سیٹھ کے جج رہنے یا نہ رہنے تک ہوگا ۔واضح رہے کہ فردوس عاشق اعوان نے گزشتہ روز کہا تھا کہ اگر سپریم جوڈیشل کونسل نے جج کو اَن فٹ ڈکلیئر کردیا تو ان کا فیصلہ بھی ختم ہوجائے گا۔اٹارنی جنرل نے نے کہا کہ فردوس اعوان نے غلط کہا ہے، فیصلہ تو میرٹ پر چلے گا، اس کا سپریم جوڈیشل کونسل سے کوئی تعلق نہیں۔
