بیجنگ (انٹرنیشنل ڈیسک) چینی صدر شی جن پنگ نے امریکی ہم منصب ڈونلڈ ٹرمپ سے ٹیلی فون پر گفتگو کی،جس میں دونوں سربراہوں نے رواں ماہ ہونے والے تجارتی سمجھوتے کے پہلے مرحلے کو خوب سراہا۔ چینی خبر رساں ادارے شنہوا کے مطابق صدر شی نے کہا کہ سمجھوتے سے چین اور امریکا دونوں کو فائدہ ہوگا اور کشیدگی ختم ہونے سے دنیا بھر میں امن و خوشحالی آئے گی۔ گفتگو کے بعد ٹرمپ نے اپنی ٹوئٹ میں کہا کہ چینی صدر کے ساتھ بڑے باہمی تجارتی سمجھوتے سے متعلق بات چیت مثبت رہی،جس میں انہوں نے شمالی کوریا اور ہانگ کانگ کے بارے میں بھی گفتگو کی۔
