حیدرآباد(اسٹاف رپور)جئے سندھ تحریک کی جانب سے گم شدہ افراد عبدالفتاح چنا ایڈووکیٹ‘ دیدار شام‘ مسعود شاہ ودیگر کی بازیابی کے لیے حیدرآبادپریس کلب کے سامنے علامتی بھوک ہڑتال اور احتجاجی مظاہرہ کیا گیا جس سے خطاب کرتے ہوئے راجا سندھی‘ عمران بردی‘ روشن سندھی‘ ساجد سندھی ودیگر نے کہاکہ جئے سندھ تحریک کے قائم مقام صدر عبدالفتاح چنا دیدار شاہ‘ مسعودشاہ‘ سمیت دیگر سندھ ک نوجوانوں کو گم کیا گیا ہے جو کہ انسانی حقوق کیخلاف ہے۔انہوںنے کہاکہ سیاسی جدوجہد کرنے والے رہنما وکارکنان کا اس طرح غائب کیاجانا لمحہ فکریہ ہے انہوںنے مطالبہ کیا کہ غائب کئے گئے افراد کو فوری طور پر ظاہر کرکے اگر ان پر کوئی کیس ہیں تو عدالت میں پیش کی جائے ۔
