کراچی(اسٹاف رپورٹر) پاک سرزمین پارٹی کے چیئرمین سید مصطفی کمال نے کہا ہے کہ پاک سرزمین پارٹی 30 سال سے سندھ پر قابض ظالم و بے حس حکمرانوں سے سندھ کے باسیوں کو نجات دلوائے گی۔ حکمرانوں کو سندھ کے رہنے والوں پر ظلم بند کرنا ہوگا۔ لوگ کتے کے کاٹنے اور ایڈز سے مررہے ہیں۔ ایک ہزار ارب روپے سے زائد تعلیم کے نام پر خرچ کرنے کے باوجود ایک ماڈل اسکول موجود نہیں‘ تعلیمی نظام تباہ حال ہے۔ سڑکیں ٹوٹ پھوٹ کا شکار ہیں۔ عوام کا کوئی پرسان حال نہیں ہے۔
