لاہور (کلچرل ڈیسک) ادکار ہمایوں سعید نے عمرہ کی سعادت حاصل کرلی، ہمایوں سعید ان دنوں ڈرامہ سیریل ’میرے پاس تم ہو‘ میں دانش کا مقبول ترین کردار ادا کر رہے ہیں۔ اداکار نے نئے سال کا آغاز حجاز مقدس سے کیا۔ ہمایوں سعید نے سال نو کا پیغام دیتے ہوئے کہاکہ ان کی ہمیشہ سے خواہش تھی کہ نئے سال کا آغاز اس مقام سے کریں اور الحمدللہ اس سال ان کی یہ خواہش پوری ہوگئی۔ اداکار کے ہمراہ ان کی اہلیہ اور بیٹی نے بھی عمرہ کی سعادت حاصل کی۔
