ایران میں امریکی صدر ڈونلڈ ٹرمپ کے سر کی قیمت 8 کروڑ ڈالر مقرر کر دی گئی۔
بین الاقوامی میڈیا رپورٹس کے مطابق مشہد میں جنرل قاسم سلیمانی کی نماز جنازہ کے موقع پر اجتماع سے خطاب کرتے ہوئے منتظمین نے اعلان کیا کہ ڈونلڈ ٹرمپ کو قتل کرنے والے شخص کو 8 کروڑ ڈالر بطور انعام دیا جائے گا۔
منتظمین نے کہا کہ ایران کی کل آبادی 8 کروڑ ہے لہذا ہر باشندہ ایک ڈالر عطیہ کرے اور اس حساب سے 8 کروڑ ڈالر کی انعامی رقم ڈونلڈ ٹرمپ کے قاتل کو دی جائے گی۔
جنازے کے شرکاء سے اپیل کی گئی کہ وہ کم از کم ایک ڈالر عطیہ ضرور کریں اور یہ پیغام ملک میں بسنے والے ہر باشندے تک پہنچائیں۔
