برطانوی شہزادہ چارلس کی فلسطینی صدر سے ملاقات

مقبوضہ بیت المقدس (انٹرنیشنل ڈیسک) برطانوی شہزادہ چارلس نے فلسطین کے شہر بیت اللحم میں صدر محمود عباس سے ملاقات کی۔ خبررساں اداروں کے مطابق شہزادہ چارلس کا کہنا تھا کہ فلسطینی عوام کو ان کا حق خود ارادی، انصاف اور برابری کا درجہ ملنا چاہیے۔ انہوں نے بیت لحم میں فلسطینی حکام کے ساتھ مسیحی مذہبی شخصیات سے بھی ملاقات کی۔ اس موقع پر انہوںنے فلسطین میں امن قائم ہونے سے متعلق نیک خواہشات کا اظہار بھی کیا۔