اسلام آباد (مانیٹرنگ ڈیسک) وزیراعظم کے معاون خصوصی برائے احتساب شہزاد اکبر نے کہا ہے کہ نواز شریف کی ضمانت پر 4 ہفتے کا وقت گزر چکا ہے، نواز شریف کی جانب سے جو رپورٹس بھیجی گئی ہیں ان میں سے دراصل رپورٹ کوئی نہیں ہے۔ پنجاب حکومت کو صرف ایک سرٹیفکیٹ بھیج دیا گیا ہے، میڈیکل رپورٹس اس سرٹیفکیٹ کے ساتھ منسلک نہیں ہیں۔ ان کا مزید کہنا تھا کہ احتساب کا عمل نہ کبھی سست تھا اور نہ ہی بہت تیز، احتساب کے عمل میں بہتری کے لیے کچھ ترامیم کی ہیں۔
