بلدیہ عظمیٰ کراچی کے انسداد تجاوزات سیل کا کورنگی میں بھرپور آپریشن، بھاری مشینری کا استعمال بھی کیا
کراچی (اسٹاف رپورٹر) بلدیہ عظمیٰ کے انسداد تجاوزات سیل نے کورنگی میں آپریشن کرتے ہوئے ہائی ٹینشن لائن کے نیچے بنائی گئی کثیرالمنزلہ عمارت کو منہدم کر دیا، کارروائی میں بھاری مشینری کا استعمال بھی کیا گیا، اس موقع پر میڈیا سے گفتگو کرتے ہوئے سینئر ڈائریکٹر لینڈ بشیر صدیقی کا کہنا تھا کہ اعلیٰ عدلیہ کے حکم پر تجاوزات کے خلاف آپریشن پورے شہر میں جاری رہے گا، کراچی میں جہاں بھی اس طرح کی تعمیرات ہوں گی مسمار کر دی جائیں گی۔ انہوں نے اس عزم کا اعادہ کیا کہ کراچی شہر کو قبضہ مافیا سے آزاد کراکے ہی دم لیں گے۔
