جماعت اسلامی پاکستان کے سابق ناظم مالیات و مولانا مودودی کے رفیق مسعود احمد خان انتقال کر گئے۔
سیکرٹری اطلاعات جماعت اسلامی پاکستان قیصر شریف کے مطابق جماعت اسلامی کے دیرینہ رکن، سابق ناظم مالیات اور مولانا مودودی کے ساتھی مسعود احمد خان اسپتال میں زیر علاج رہنے کے بعد خالق حقیقی سے جاملے۔
مرحوم کی نماز جنازہ آج بعد نماز مغرب منصورہ لاہور میں ادا کی جائے گی، امیرجماعت اسلامی پاکستان سینیٹرسراج الحق، قیم جماعت اسلامی امیر العظیم، نائب امیر جماعت اسلامی پاکستان لیاقت بلوچ سمیت دیگر رہنماؤں نے مسعود احمد خان کے انتقال پر گہرے دکھ اور افسوس کا اظہار کرتے ہوئے مرحوم کے لیے دعائے مغفرت اور غمزدہ خاندان سے تعزیت و ہمدردی کا اظہار کیا ہے۔
