ایران میں کورونا وائرس سے محفوظ رہنے کے لیے شراب پینے والے تقریباً 67 افراد ہلاک ہوگئے ہیں۔
غیر ملکی خبر رساں ایجنسی کے مطابق لوگوں میں یہ افوا عام ہوگئی تھی کہ شراب پینے والے کو کورونا متاثر نہیں کر سکتا جس کی بنا پر 67 افراد نے شراب نوشی کی لیکن یہ شراب ان کے لیے زہر بن گئی۔
واضح رہے کہ ایران میں شراب پینے پر سخت پابندی ہے۔
یہ بھی خیال رہے کہ کورونا وائرس سے ایران میں اب تک تین سو زائد افراد ہلاک جبکہ 8 ہزار سے زائد متاثر ہوچکے ہیں۔
حکومت پاکستان نے ملک میں کورونا وائرس کی روک تھام کے لیے پاک ایران سرحدیں بھی بند کررکھی ہیں جبکہ تجارت بھی معطل ہے۔
