اسلام آباد(آن لائن)پاکستان میں مقامی طور پر وینٹی لیٹرز کی تیاری کی اجازت دے دی گئی، مقامی طور پر وینٹی لیٹرز کی تیاری کی خصوصیات اور ٹیسٹنگ کا طریقہ کار بھی تیار کر لیا گیا جب کہ پاکستان انجینئرنگ کونسل کی ایکسپرٹ کمیٹی نے وینٹی لیٹرز کی تیاری کی منظوری دے دی۔میڈیا رپورٹ کے مطابق وینٹی لیٹرز کی تیاری اور ٹیسٹنگ کے لیے تیز ترین طریقہ کار اپنایا گیاہے۔وزیر اعظم عمران خان نے وفاقی وزیر فواد چودھری کی درخواست پر تیز ترین طریقہ کار کی ہدایت کی۔کورونا میں بڑھتی ہوئی طلب کے باعث قانونی پیچیدگیوں کو ختم کیا گیا اور پاکستان انجینئرنگ کونسل کو وینٹی لیٹرز کے 48 ڈیزائن بھی موصول ہوئے جس میں سے وینٹی لیٹرز کے 3 ڈیزائنز کو منظوری کیلیے ڈریپ کو بھیجا گیاہے ۔ کلینیکل ٹیسٹ کے دوران وینٹی لیٹرز کی خصوصیات چیک کی گئیں۔ پہلے مرحلے میں پریشر اور والیوم کنٹرول میکینکل وینٹی لیٹرز کی تیاری کی اجازت دی گئی ہے جسے مسلسل 96 گھنٹے انسانی جسم پر چیک کیا جائے گا۔
Load/Hide Comments
