کراچی:سندھ حکومت نے وفاق اور صوبوں کے درمیان وسائل کی تقسیم کے لیے تشکیل دیے جانے والے 10 ویں قومی مالیاتی کمیشن کو مسترد کردیا۔
ترجما ن سندھ حکومت مرتضی وہاب نے کہا کہ سندھ حکومت 10 ویں قومی مالیاتی کمیشن کی تشکیل کو مسترد کرتی ہے، قومی مالیاتی کمیشن کی تشکیل غیر آئینی ہے۔
انہوں نے کہا کہ این ایف سی کے لیے ارکان کا تقرر آئین سے متصادم اور ناقابل قبول ہے، مشیر خزانہ قومی مالیاتی کمیشن کی صدارت نہیں کرسکتے جب کہ این ایف سی کی تشکیل نو کےخلاف ہرفورم پر آواز اٹھائیں گے۔
ترجمان صوبائی حکومت کا کہنا ہے کہ سندھ حکومت این ایف سی کی تشکیل پر وزیراعظم کو خط لکھے گی۔
واضح رہے کہ صدر مملکت عارف علوی نے دو دن قبل قومی مالیاتی کمیشن دے دیا تھا، جس کے تحت وزیراعظم اس کے چیئرمین ہونگے۔
