کراچی(اسٹاف رپورٹر)ورلڈ اسنوکر چمپئن محمد آصف نے وزیر اعظم عمران خان اور وزیر اعلی پنجاب عثمان بزدار سے اسنوکر کلبزکھولنے کی اپیل کی ہے۔بیان میں محمد آصف نے کہا کہ ورلڈ چمپئن ہونے کے باوجود میرا ذریعہ معاش اسنوکر کلب ہے،تاہم مجھ سمیت اسنوکر سے وابستہ سب لوگ مشکلات کا شکار ہیں۔انہوں نے کہا کہ اسنوکر کلب کھولنے کی اجازت دی جائے، ہم ایس اوپی پر عمل کریں گے۔واضح رہے کہ عالمی وبا کوروناوائرس کے سبب دنیا میں کھیلوں کی سرگرمیاں بھی بری طرح متاثر ہوئی ہیں۔
Load/Hide Comments
