حکومت نا لائق ہی نہیں انسانی رویوں سے بھی محروم ہے‘احسن اقبال

نارووال (صباح نیوز) مسلم لیگ (ن) کے رہنما احسن اقبال نے کہا ہے کہ طیارہ حادثے میں شہید افراد کے لواحقین ٹھوکریں کھا رہے ہیں‘ حکومت نا لائق ہی نہیں بلکہ انسانی رویوں سے بھی محروم ہے۔ نارروال میں میڈیا سے گفتگو کرتے ہوئے انہوں نے کہا کہ ناقص پالیسی سے ملک میں کورونا مریضوں میں اضافہ ہو رہا ہے‘ حکومت سنجیدہ ہوتی تو ٹڈی دل حملوں سے800 ارب روپے کے زرعی اجناس کا نقصان نہیں ہوتا‘ ٹڈی دل قدرتی آفت ہے اسے ابتدا میں ہی تلف کیا جانا چاہیے تھا۔ انہوںنے مطالبہ کیا کہ ٹڈی دل حملوںسے متاثرہ کسانوں کو معاوضہ دیا جائے۔