لاہور: وفاقی حکومت نے امیگریشن اینڈ پاسپورٹس کے دفاتر کھولنے کا فیصلہ کیا ہے، صرف ایمرجنسی پاسپورٹ والے ارجنٹ فیس کے ساتھ پاسپورٹ بنواسکیں گے۔
وفاقی حکومت کے احکامات کے مطابق تمام تراحتیاطی تدابیر کے ساتھ اسلام آباد، ملتان، کوئٹہ اور کراچی کے دفاتر کھولے جائیں گے۔ تمام پاسپورٹ دفاتر آج جمعہ سے باقاعدہ صبح 10 بجے سے دوپہر ایک بجے تک کھلے رہیں گے۔
نارمل پاسپورٹ کے لیے اپلائی نہیں کیا جاسکے گا صرف ارجنٹ پاسپورٹ پراسس ہوگا، 50 سال سے زائد عمر سائلین کورونا کی رپورٹ لے ک آئیں گے، غیر ضروری افراد کا پاسپورٹ دفاتر میں داخلہ ممنوع ہوگا۔
