سری نگر:مقبوضہ کشمیر میں قابض بھارتی فوج نے مزید 6 کشمیری نوجوانوں کو شہید کردیا۔
قابض بھارتی فوج نے ظلم کی تمام حدیں پارکردیں، کشمیر میڈیا سروس کے مطابق (کے ایم ایس) مقبوضہ کشمیرمیں قابض بھارتی فوج نے ایک بار پھر ریاستی دہشت گردی کرتے ہوئے تازہ کاروائی کے دوران مزید 6 کشیریوں کو شہید کردیا۔
تفصیلات کے مطابق گزشتہ 24 گھنٹوں میں امام مسجد سمیت شہید ہونے والوں کی تعداد 8 ہوگئی قابض بھارتی فوج نے ضلع شوپیاں میں 5، پامپورمیں 3 کشمیری سرچ آپریشن کی آڑ میں جبکہ گزشتہ روز پامپور کی مسجد میں داخل ہو کر 2 نوجوانوں کو شہید کردیا۔
کے ایم سی کے مطابق بھارتی فوجیوں نے پلوامہ ، شوپیاں ، اسلام آباد ، کولگام ، کپواڑہ ، بارہمولہ اور بانڈی پور اضلاع کے مختلف علاقوں میں پرتشدد فوجی آپریشن جاری رکھا جبکہ بھارتی فوج کی ظالمانہ کارروائیوں کے خلاف کشمیریوں کااحتجاج جاری ہے۔
