اسلام آباد(جسارت نیوز) وزیراعظم عمران خان نے عظیم باکسر محمد علی کو خراج عقیدت پیش کرتے ہوئے کہا ہے کہ وہ عظیم کھلاڑی ہونے کے ساتھ ساتھ ذہین اور بہادر انسان تھے۔ انہوں نے پیغام میں کہاکہ مصائب و آلام کے دور میں اپنے عقائد کی آبیاری کیلئے محمد علی نے بطور کھلاڑی اپنی پیشہ وارانہ زندگی کے بہترین ایام اور پرکشش آمدن کو قربان کیا۔ان کا کہنا تھا کہ محمد علی کی قوت اور حوصلہ آج بھی دنیا میں لوگوں کیلئے مشعلِ راہ ہے ۔ ان کے عقائد مادیت پرستی سے بالاتر تھے۔انہوں نے کہا کہ محمدعلی نے کیریئرکے عروج پرپْرکشش مراعات چھوڑکرانسانیت کی خدمت کو ترجیح دی۔
Load/Hide Comments
