وینزویلا کے صدر سے ملاقات کے خلاف نہیں ہوں‘ ٹرمپ

واشنگٹن (انٹرنیشنل ڈیسک) امریکی صدر ڈونلڈ ٹرمپ نے وینزویلا کے صدر نکولاس مادورو سے ملاقات کا عندیہ دے دیا۔ انہوں نے کہا کہ وہ ذاتی طور پر صدر مادوروکے خلاف نہیں ہیںاور وہ ملاقات کی درخواست پر غور کرسکتے ہیں۔ امریکی چینل آکسیوس کو انٹرویو میں ٹرمپ نے واشنگٹن اور وینزویلا کے درمیان تناؤ پر اپنا تجزیہ پیش کیا۔ ٹرمپ نے سابق مشیر قومی سلامتی جان بولٹن کے تعاون سے وینزویلا میں اپنے عبوری صدر ہونے کا دعویٰ کرنے والے خوآن گوائیڈو سے لاتعلقی کا اظہار کیا۔ ٹرمپ کا کہنا تھا کہ وہ گوائیڈو کے ساتھ اور ان کے بغیر بھی وینزویلا کے حالات کے خلاف ہیں۔ ان کے نزدیک صدر مادورو اور گوائیڈو برابر ہیں۔