بیجنگ (صباح نیوز) چین میں طوفانی بارش اور سیلاب کی تباہ کاریاں جاری، سیلابی پانی 480 سال پرانا پل دیکھتے ہی دیکھتے ٹوٹ کر بہہ گیا، چین کے صوبے انہوئی میں بھی گزشتہ دنوں ہونے والی طوفانی بارش کے بعد سیلاب نے تباہی مچادی ہے اور سڑکیں ندی نالوں کا منظر پیش کرنے لگی ہیں۔ میڈیا رپورٹس کے مطابق سیلابی ریلے کی وجہ سے کئی گاڑیاں پھنس گئیں، سڑکوں اور متعد عمارتوں کو بھی نقصان پہنچا تاہم کسی جانی نقصان کی اطلاع نہیں ملی جبکہ انتظامیہ کی جانب سے مختلف مقامات پر ایمرجنسی نافذ کردی گئی ہے
علاوہ ازیں صوبے سیچوان میں سڑک بیٹھ جانے سے ٹریفک کی آمد و رفت معطل ہوگئی اور لوگ مشکلات کا شکار ہیں۔ صوبے کے دریائوں میں بھی پانی کی سطح تیزی سے بلند ہو رہی ہے۔ گزشتہ کچھ عرصے کے دوران چین کے ان علاقوں میں سیلاب سے لاکھوں ایکڑ علاقے پر کھڑی فصلیں تباہ اور لینڈ سلائیڈنگ سے کئی عمارتیں زمین بوس ہوگئی ہیں۔
