انقرہ؍ باکو (انٹرنیشنل ڈیسک) ترکی اور آذربائیجان کے درمیان وسیع پیمانے پر مشترکہ فوجی مشقوں کے سلسلے میں تُرک فوج کی کمک ناہچوان پہنچ گئی۔ ذرائع ابلاغ کے مطابق ناہچوان کے دریائے آراز پر واقع پل پر ایک تقریب میں ترک فوجیوں کا استقبال کیا گیا۔ تقریب کے دوران ترک اور آذری قومی ترانے بجائے گئے اور پرچم کا تبادلہ ہوا۔ واضح رہے کہ آذربائیجان کے دارلحکومت باکو اور ناہچوان میں 5 اگست تک جاری فوجی مشقوں میں مختلف جنگی صلاحیتوں کا مظاہرہ کیا جائے گا۔
