وزیراعظم عمران خان 12 اگست کو کراچی کا ایک روزہ دورہ کریں گے جس کے انتظامات کو حتمی شکل دے دی گئی ہے۔ نجی ٹی وی کی رپورٹ کے مطابق وزیراعظم ایک روزہ دورے میں گورنر سندھ عمران اسماعیل اور وزیراعلیٰ سندھ مراد علی شاہ سے الگ الگ ملاقاتیں کریں گے۔ اس کے علاوہ دورہ کراچی پر وزیراعظم ارکان اسمبلی اور بزنس کمیونٹی سے بھی ملاقات کریں گے۔
تفصیلات کے مطابق ملاقاتوں کے دوران مختلف معاملات کے علاوہ کراچی میں سستے گھروں کی تعمیر کا معاملہ بھی زیر غور آئے گا۔ اس دوران وزیراعظم شجرکاری مہم کے تحت کراچی میں پودا بھی لگائیں گے۔
