راولپنڈی: ضلع باجوڑ سیکٹر میں افغانستان سے فائرنگ میں پاک فوج کا جوان شہید ہوگیا۔
پاک فوج کے شعبہ تعلقات عامہ (آئی ایس پی آر) کے مطابق باجوڑ سیکٹر میں واقع چیک پوسٹ پر رات گئے افغانستان سے فائرنگ کی گئی جس کے نتیجے میں پاک فوج کا سپاہی صابر شاہ شہید ہوگیا۔
آئی ایس پی آر کے مطابق پاکستان افغانستان کے ساتھ سرحدی انتظام کا معاملہ باقاعدگی سے اٹھا رہا ہے، افغان سرزمین پاکستان کے خلاف استعمال نہیں ہونی چاہیے۔
