حیدرآباد(اسٹاف رپورٹر) پاکستان پیپلز پارٹی کے سیکرٹری اطلاعات سینیٹر مولابخش چانڈیو نے کہاہے کہ عمران خان نہ صرف وزارت عظمیٰ کے منصب بلکہ قومی اداروں کو بھی رسوا کررہے ہیں وہ نچلی سطح کی باتیں کرتے وقت اپنے منصب کو بھی بھول جاتے ہیں۔ عمرا ن خان کو اس حد تک گری ہوئی باتیں نہیں کرنی چاہیے،ان کی باتین سن کر شرمندگی ہوتی ہے کہ یہ شخص وزیراعظم پاکستان ہیں ،یہ بات درست ہے کہ وہ سلیکٹڈ ہیں لیکن کم از کم ان کا لب ولہجہ تووزیراعظم جیسا ہونا چاہیے ۔ عمران خان جس حد تک آ چکے ہیں اس سے ان کی بوکھلاہٹ ظاہر ہوتی ہے، پی ڈی ایم کے قیام کے ساتھ ہی حکومت کے پائوں اکھڑ چکے ہیںعمران خان کی لرزتی زبان ثبوت ہے کہ حکومت چند ماہ کی مہمان ہے ۔
