عید میلادالنبی ﷺ پر پاکستانی شوبز ستاروں نے مداحوں کو مبارکباد دی ہے۔
مشہور اداکار ہمایوں سعید نے انسٹاگرام پر کہا کہ اللہ ہم سب کو ہمارے پیارے نبی حضرت محمدﷺ کی تعلیمات پر عمل پیرا ہونے کی توفیق عطا فرمائے۔
اداکارہ میرا نے بھی انسٹاگرام پر پوسٹ شیئر کی اور مداحوں کو عید میلادالنبیﷺ کی مبارک باد دی۔
اداکارہ نیلم منیر کا کہنا تھا کہ حضرت محمد ﷺ کی محبت اسلام کی روح ہے اور جب تک یہ روح زندہ ہے اسلام باقی ہے۔
مشہور اداکار فیصل قریشی نے بھی کہا کہ تمام عاشقان رسولﷺ کو جشن عید میلادالنبی ﷺ مبارک ہو۔
