سری نگر: ماہ اکتوبر 2020 کے دوران مقبوضہ کشمیر میں بھارتی فوج کی جانب سے مظالم کی رپورٹ جاری کردی گئی۔
کشمیر میڈیا سروس کے مطابق مقبوضہ کشمیر میں قابض بھارتی فوج کی ریاستی دہشت گردی اکتوبر میں بھی جاری رہی۔ گزشتہ ماہ قابض فوج نے ایک خاتون سمیت 23 کشمیریوں کو شہید کیا۔
رپورٹ کے مطابق قابض بھارتی فوج نے اس دوران تین نوجوانوں کو جعلی مقابلوں میں شہید کیا۔
کشمیر ذرائع ابلاغ کے مطابق گولیوں، پیلٹ اور آنسو گیس کی شیلنگ میں 42 کشمیریوں کو زخمی کیا گیا۔ گزشتہ ماہ 94 کشمیریوں کو گرفتار اور 365 محاصرے کیے گئے۔
