وزیراعظم عمران خان نے بلین ٹری منصوبے کی مکمل تفصیلات عدالت کو دینے کی ہدایت کردی۔
تفصیلات کے مطابق وزیراعظم عمران خان سے معاون خصوصی موسمیاتی تبدیلی ملک امین اسلم کی ملاقات ہوئی جس میں بلین ٹری منصوبے کے حوالے مشاورت کی گئی۔
مشاورت مکمل ہونے کے بعد فیصلہ کیا گیا کہ بلین ٹری منصوبے کی ڈرون فوٹیج اور مستند تصاویر کا رکارڈ حاصل کیا جائے گا۔
وزیراعظم نے کہا معاون خصوصی ملک امین اسلم کو ہدایت کی کہ اعلیٰ عدالت کو منصوبے کی مکمل تفصیل اور شفافیت سے آگاہ کیا جائے۔
وفاقی حکومت نے سیٹلائیٹ تصاویر کے لیے سپارکو سے بھی رابطہ شروع کردیا۔ حکومت نے سپارکو سے درخواست کی کہ بلین ٹری منصوبے کی سیٹلائیٹ امیجز فراہم کرنے کی جائیں۔
عدالتی احکامات پر وفاقی حکومت نے تمام صوبوں سے ڈیٹا بھی طلب کرلیا۔
