اسلام آباد(آن لائن)پیپلزپارٹی کی مرکزی سیکرٹری اطلاعات ڈاکٹر نفیسہ شاہ نے کہا ہے کہ پیپلزپارٹی حکومت کی جانب سے کارکنان پر دائر مقدمات کی شدید مذمت کرتی ہے۔ اپنے ایک بیان میں انہوں نے کہا کارکنان کے خلاف مقدمات حکومت کی پریشانی اور بوکھلاہٹ کا ثبوت ہے۔ جلسے کے انعقاد پر مقدمات کا اندراج اور دھمکیاں دینا اپوزیشن کو
ڈرانے کی ناکام کوشش ہے ،جلسے کا انعقاد اور جلسے میں شرکت کارکنان کا بنیادی حق ہے، جسے کوئی نہیں روک سکتا۔ نفیسہ شاہ نے کہا حکومت ایک طرف جلسے کی اجازت دینے کا جھوٹا دعوی اور دوسری جانب مقدمات دائر کر رہی ہے ۔وسیم اکرم پلس حکومت کارکنان کے خلاف دائر مقدمات فوری واپس لے۔
