تہران: ایران کے سپریم لیڈر آیت اللہ خامنہ ای نے امریکا اور برطانیہ سے کورونا ویکسین لینے سے انکار کرتے ہوئے اس پر پابندی لگادی ہے۔
عالمی خبر رساں ادارے کے مطابق ایرن کے روحانی پیشوا آیت اللہ خامنہ کا کہنا ہے کہ امریکا اور برطانیہ کی تیار کردہ کورونا ویکسین قابل اعتماد نہیں ہیں اس لیے ایران فائزر اور آکسفورڈ یونیورسٹی کی ویکسین نہیں لے گا۔
سرکاری ٹیلی وژن پر نشر ہونے والے اپنے ویڈیو پیغام میں کہا کہ 2 مغربی طاقتوں سے ٹیکے لگانے پر کوئی اعتماد نہیں ہے، یہ ممالک قابل بھروسہ نہیں،دوسری اقوام کو نقصان پہنچا سکتے ہیں۔ انہوں نے کہا کہ اگر یہ ویکسین کارگر ہوتیں تو وہ ہمیں دینے کے بجائے ساری خود استعمال کرتے۔
