سبی (آن لائن) جمعیت علماء اسلام کے مرکزی جنرل سیکرٹری و سینیٹر مولانا عبدالغفور حیدری نے کہا ہے کہ مچھ کا واقعہ انتہائی افسوس ناک ہے، متاثرین ایک ہفتے سے شدید سردی میں لاشیں رکھ کر احتجاج پر بیٹھے ہیں لیکن نااہل وزیراعظم متاثرین کا سامنا کرنے کیلیے تیار نہیں ہیں، پی ڈی ایم قائدین متاثرین کے پاس گئے ان کے ساتھ اظہار یکجہتی کیا اور ہم صرف اظہار یکجہتی ہی کر سکتے ہیں، عملی طور پر سرکار نے ہی اقدامات اٹھانے ہوں گے۔
