سیکٹری جنرل وفاق المدارس قاری حنیف جالندھری کا کہنا ہے کہ ملک بھر کے جلوسوں میں جو طلبا شریک ہوئے وہ آٹے میں نمک کے برابر ہیں.
وفاق المدارس العربیہ کے سیکٹری جنرل قاری حنیف جالندھری نے پی ڈی ایم کے جلسوں میں مدارس کے طلبا کی شرکت کے حوالے سے نجی ٹی وی سے گفتگو کرتے ہوئے کہا ہے کہ ملک میں بہت سے جلوس میں مدارس کے طلبا شریک نہیں ہوئے.
انہوں نے کہا کہ جن جلوسوں میں جو طلبا شریک ہوئے وہ آٹے میں نمک کے برابر ہیں اور یہ تاثرغلط ہے کہ طالبعلم احتجاجی مظاہروں میں شریک ہوتے ہیں.
قاری حنیف جالندھری کا مزید کہنا تھا کہ طالبعلم کو خود کو صرف تعلیم تک محدود رکھنا چاہیے اور کوئی بھی قانون ہو اس میں جانبداری نہ ہو،جو بھی فیصلہ ہو سب کیلئے ہو جبکہ ہم سے تاحال حکومت کے کسی ذمے دار نے رابطہ نہیں کیا.
