کراچی (اے پی پی) نیشنل ٹینس چیمپئن شپ کے اختتامی روز مہا تیر محمداور اسد زمان نے اپنے اپنے مقابلوں میں کامیابیاں حاصل کرکے ٹا ئٹل حاصل کرلیے۔ماڈرن کلب کھیلی گئی 9ویں عیسی لیب قومی ٹینس چیمپئن شپ کے اختتامی روز مہا تیر محمد نے پہلی مرتبہ حشیش کمار کو کسی ٹورنامنٹ میں 7-6 6-2سے شکست دی، مقابلہ ایک گھٹہ اور10 منٹ جاری رہا۔ انڈر14سنگلز کے فائنل میں لاہور کے اسد زمان نے لاہور ہی کے عامر مزاری کو شکست دے کر اعزاز حاصل کر لیا۔ اختتامی تقریب میں ڈاکٹر مریم فرحان عیسی نے مہمان خصوصی اور ڈاکٹر نادیہ فرحان عیسی نے اعزازی مہمان کی حیثیت سے شرکت کی۔
