اسلام آباد: وفاقی وزیرسائنس اینڈ ٹیکنالوجی فواد چوہدری کا کہنا ہے کہ ہر 3 ماہ بعد زرداری اینڈ کمپنی کو لگتا ہے اگلے 3 ماہ بہت اہم ہیں جبکہ 3 سال بعد بھی آپ کا کوئی چانس نہیں۔
سماجی رابطے کی ویب سائٹ ٹوئٹر پر وفاقی وزیرسائنس اینڈ ٹیکنالوجی فواد چوہدری نے سابق صدرآصف علی زرداری کے بیان پر ردعمل دیتے ہوئے کہا ہے کہ 3 سال بعد بھی آپ کا کوئی چانس نہیں، زمانہ اور وقت آگے چلا گیا، آپ بہت پیچھے رہ گئے۔
یہ بھی پڑھیں: اناڑی حکمرانوں کی وجہ سے ملک بڑے حادثے کا شکار ہوسکتا ہے، زرداری
فوادچوہدری نے کہا کہ ہر 3 ماہ بعد زرداری اینڈ کمپنی کو لگتا ہے اگلے 3 ماہ بہت اہم ہیں لیکن پھر وقت گزر جاتا ہے اور نیا بیان آتا ہے کہ اگلے 3 ماہ بہت اہم ہیں، گرد اتنی ہے کہ آپ کو راستہ نہیں مل رہا، بزنس پر توجہ دیں۔
ہر تین ماہ کے بعد زرداری اینڈ کمپنی کو لگتا ہے اگلے تین ماہ بہت اہم ہیں،پھر وقت گزر جاتا ہے اور نیا بیان آتا ہے اگلے تین ماہ بہت اہم ہیں،تین سال بعد بھی آپ کا کوئ چانس نہیں زمانہ اور وقت آگے چلا گیا ہے آپ بہت پیچھے رہ گئے ہیں گرد اتنی ہے کہ آپ کو راستہ نہیں مل رہابزنس پر توجہ دیں
— Ch Fawad Hussain (@fawadchaudhry) January 25, 2021
