اسلام آباد(نمائندہ خصوصی)پاکستان کیخلاف ٹی ٹوئنٹی سیریز کیلیے جنوبی افریقا ٹی ٹوئنٹی اسکواڈ کے کھلاڑی 3 فروری کو لاہور پہنچیں گے ،جنوبی افریقا اسکواڈکے ارکان کمرشل فلائٹ سے اسلام آباد سے لاہور جائینگے۔ پاکستان کے ٹی ٹوئنٹی اسکواڈ کے کھلاڑی بھی 3 فروری کو رپورٹ کریں گے ۔دونوں اسکواڈ کے کھلاڑیوں کی کوویڈ 19 ٹیسٹنگ ہو گی ۔قومی کھلاڑی پانچ فروری سے ٹریننگ کا آغاز کریں گے ، پاکستان کے کھلاڑی نیشنل ہائی پرفارمنس سنٹر کے کوچز کی نگرانی میں ٹریننگ کریں گے ۔ ٹیم کے کوچز اور ٹیسٹ ٹیم میں شامل ٹی ٹوئنٹی اسکواڈ کے کھلاڑی پنڈی ٹیسٹ کے بعد جوائن کریں گے ۔ پاکستان اور ساوتھ افریقا کے درمیان تین ٹی ٹوئنٹی میچز قذافی اسٹیڈیم میں کھیلے جائیں گے ۔ٹی ٹوئنٹی میچز 11 ، 13 اور 14 فروری کو کھیلے جائیں گے۔
