کبیروالا کے گاؤں میں دلہن کے رشتہ داروں نے باراتیوں پر حملہ کرکے دلہا کے 3 بھائیوں سمیت متعدد افراد کو زخمی کردیا۔
کبیروالا میں عبد الحکیم کے نواحی علاقے کھوہ بگے والا میں شادی کا پنڈال میدان جنگ بن گیا جہاں دلہن کے درجنوں رشتہ داروں نے رشتہ کے تنازع پر باراتیوں پر حملہ کردیا اور اس دوران ڈنڈوں، لاتوں اور تیز دھار آلات کا آزادانہ استعمال کیا گیا جس کے نتیجے میں دلہا کے 3 بھائیوں سمیت متعدد افراد زخمی ہوگئے۔
واقعہ کے بعد پولیس نے موقع پر پہنچ کر صورتحال کو قابو میں کیا اور زخمیوں کو اسپتال منتقل کیا، ایس ایچ او کا کہنا ہے کہ واقعہ میں زخمی افراد کی میڈیکل رپورٹ کا انتظار کیا جارہا ہے جیسے ہی رپورٹ آئی گی قانون کے کے مطابق کارروائی کی جائے گی۔
