لاہور(جسارت نیوز)نیشنل بیڈ منٹن چمپئن ماہ ور شہزاد نے کہا ہے کہ 5ویں مرتبہ نیشنل چمپئِن بننا ان کے لیے ایک بہت بڑا اعزاز ہے۔پاکستان نمبر ون بیڈ منٹن پلئیر ماہ ور شہزاد نے لاہور سے جاری کیے گئے اپنے بیان میں کہا کہ کورونا وائرس کی صورتحال میں نیشنل چیمپئن شپ کی تیاری کرنا آسان نہیں تھا۔انہوں نے کہا کہ چارسدہ میں پہلی مرتبہ نیشنل چیمپئن شپ کا انعقاد ہوا، چارسدہ میں رہائش، کورٹس اور دیگر سہولیات شاندار تھیں۔ماہ ور شہزاد نے یہ بھی کہا کہ چھوٹے شہروں میں ایونٹس ہونے سے کھیل ترقی کرے گا۔
