سرگودھا: صوبہ پنجاب کے ضلع سرگودھا میں تیز رفتار کار نہر میں جاگری، حادثے میں 2 بچوں سمیت 4 افراد جاں بحق ہوگئے ہیں۔
میڈیا رپورٹس کے مطابق حادثہ سرگودھا کے علاقے لکسیاں کے قریب لاہور روڈ پر پیش آیا، جہاں تیز رفتار کار نہر میں جاگری، حادثے کے نتیجے میں ایک ہی خاندان کے میاں بیوی اور دو بچے جاں بحق ہوگئے۔
واقعے کی اطلاع ملنے پر امدادی ٹیمیں جائے حادثے پر پہنچی اور کار کو نہر سے نکالنے کے لئےکارروائی شروع کی، زخمیوں کو فوری طبی امداد کے لیے قریبی اسپتال منتقل کردیا گیا ہے،ریسکیو ذرائع کا کہنا ہے کہ کار میں سات افراد سوار تھے۔
