کراچی(نمائندہ خصوصی)آسٹریلوی کرکٹر بین ڈنک نے سیکورٹی کے حوالے سے پاکستان کو محفوظ ملک قرار دیا ہے، انہوں نے پاکستان میں سیکورٹی انتظامات پر مکمل اعتماد کا اظہار کیا ہے۔بین ڈنک سے سوال گیا کہ اگر کرکٹ آسٹریلیا نے پاکستان میں سیکورٹی کی صورتحال پر ان سے رائے مانگی تو وہ کیا جواب دیں گے، بین ڈنک نے جواب دیا کہ وہ پاکستان میں سیکورٹی انتظامات سے 100 فیصد مطمئن ہیں، وہ 4 مرتبہ پاکستان آچکے ہیں اور انہوں نے یہاں کبھی خود کو غیر محفوظ نہیں سمجھا۔بین ڈنک نے مزید کہا کہ یہاں ہوٹل سے لے کر گراؤنڈ تک بہترین سیکورٹی انتظامات کیے جاتے ہیں، ایسے میں آسٹریلیا کرکٹ ٹیم کا دورہ پاکستان یہاں کی عوام کے لیے ایک شاندار تجربہ ہوگا۔وہ پرامید ہیں کہ فروری میں آسڑیلیا کے دورہ پاکستان سے حالات مزید بہتر ہوں گے۔
