لاہور( جسارت نیوز) مشان احمد’’ فیسی کیم شوتوکان کراٹے‘‘ میں ڈین بلیک بیلٹ حاصل کرنے والی پاکستان کی پہلی گرلز کراٹے کھلاڑی بن گئیں۔ پاکستان فیسی کیم شوتوکان کراٹے فیڈریشن کے زیر اہتمام ’ ’بیلٹ پروموشن ‘ ‘ تقریب منعقدہوئی جس میں مشان احمد کوان کو بہترین پرفارمنس پر بلیک بیلٹ اور خصوصی سر ٹیفکیٹ سے نوازا گیا۔سائوتھ ایشین کراٹے چمپئن شپ کے سلور میڈلسٹ کھلاڑی ساویل فیاض اور پاکستان کے نام ور کراٹے کوچ مہر فیاض فیروز نے مشان احمدکو ’’ فیسی کیم شوتوکان کراٹے‘‘ میں ڈین بلیک بیلٹ حاصل کرنے پر مبارک باد پیش کی۔ ہونہارکراٹے کھلاڑی مشان احمدنے اس عزم کا اظہار کیا ہے کہ میں ما رشل آرٹس کی دْنیامیںاپنے شاندار کھیل سے پاکستان کا نام روشن کرنا چاہتی ہوں۔
