لاہور: اوکاڑہ میں چھت گرنے سے تین بچے اور تین خواتین جاں بحق ہوگئے، تمام افراد کا تعلق ایک ہی خاندان سے ہے۔
ایکسپریس نیوز کے مطابق اوکاڑہ کے نواح میں ایک مکان کی چھت گرنے کا واقعہ پیش آیا جس میں 6 افراد جاں بحق ہوگئے۔ امدادی ذرائع کے مطابق چھت گرنے کا واقعہ بنگلہ گوگیرہ کی نواحی بستی طارق آباد میں پیش آیا جس کے نتیجے میں ایک گھر میں موجود تین خواتین اور تین بچے جاں بحق ہوگئے۔
یہ بھی پڑھیں : اوکاڑہ میں مکان کی چھت گرنے سے 5 افراد جاں بحق
واقعہ کے بعد امدادی ٹیمیں اور پولیس جائے حادثہ پر پہنچ گئے اور ملبہ ہٹاکر لاشوں کو اسپتال منتقل کردیا۔
