افغانستان کے شمالی صوبوں بلخ اور بلغان میں طالبان نے 4 تحصیلوں کو کنٹرول میں لے لیا ہے۔
بلخ ضلعی اسمبلی کے ممبر سیّد عبداللہ منصور نے ذرائع ابلاغ کے لئے جاری کردہ بیان میں کہا ہے کہ طالبان نے بلخ کی تحصیلوں دولت آباد، شولگیرے اور کشندہ پر بیک وقت حملے کئے جن کے نتیجے میں مذکورہ تینوں تحصیلیں طالبان کے قبضے میں چلی گئی ہیں۔
منصور کے مطابق مذکورہ تحصیلوں سے سکیورٹی فورسز پیچھے ہٹ گئی ہیں۔
بلغان ضلعی اسمبلی کے ممبر فیروز الدین آئیمک نے بھی ضلعے کی تحصیل جلگہ کے طالبان کے زیرِ کنٹرول جانے کا اعلان کیا ہے۔
طالبان نے بھی جاری کردہ بیان میں چار تحصیلوں پر قبضے کی تصدیق کی ہے۔ بیان میں ملک کے شمالی صوبے جزجان کی تحصیلوں خانقاہ اور فیض آباد پر بھی قبضے کا دعوی کیا ہے۔
واضح رہے کہ حالیہ 2 ماہ کے دوران طالبان کے زیرِ کنٹرول جانے والی تحصیلوں کی تعداد 30 سے تجاوز کر چکی ہے۔
اقوام متحدہ کی رپورٹ کے مطابق شہری مراکز خارج ملکی زمین کا 50 سے 70 فیصد طالبان کے قبضے میں ہے۔
افغانستان کے ایک بڑے حصے میں سکیورٹی فورسز اور طالبان کے درمیان جھڑپیں جاری ہیں۔ 407 تحصیلوں میں سے 250 میں جھڑپیں ہو رہی ہیں۔
