بھارت میں مون سون کی شدید بارشیں جاری ہیں اور اب ان بارشوں اور مٹی کے تودے گرنے کی وجہ سے ہلاکتوں کی تعداد 125 ہو گئی ہے۔
ان بارشوں سے سب سے زیادہ متاثرہ ریاست مہاراشٹر ہے، جہاں 68 افراد کے لاپتا ہونے کی بھی اطلاعات ہیں۔ بتایا گیا ہے کہ ممبئی کے جنوب میں مٹی کے تودے گرنے کے ایک واقعے میں درجنوں افراد کو ریسکیو کرنے کی کوششیں جاری ہیں۔
گوا اور ممبئی میں شدید متاثرہ علاقوں سے لوگوں کو ریسکیو کرنے کے لیے ملکی فوج بھی مدد کر رہی ہے۔ حکام کا کہنا ہے کہ شدید بارشوں کی وجہ سے کئی دریاؤں میں طغیانی کی صورت حال ہے۔
