الجزائر میں جنگلاتی آگ کے نتیجے میں 28 فوجیوں اور37 شہریوں سمیت کل 65 افراد ہلاک ہو گئے ہیں۔
الجزائر سرکاری ٹیلی ویژن کے مطابق آگ سے سب سے زیادہ متاثرہ علاقوں میں دارالحکومت الجزائر سے تقریباً 100 کلومیٹر مسافت پر واقع صوبہ تیزی وزو سرفہرست ہے۔
الجزائر کی سرکاری خبر رساں ایجنسی اے پی ایس کے مطابق ملک کے 18 صوبوں میں 71 مقامات پر آگ لگی ہوئی ہے۔
خبر کے مطابق تیزی وزو میں 22، شمال مشرقی ساحلی پٹی کے صوبوں بیجایا اور تاریف میں 13 اور صوبہ جیجل میں 11 مقامات پر لگی آگ کے خلاف جدوجہد کی جا رہی ہے۔
الجزائر کی فوج بھی آگ بجھانے کی کاروائیوں میں شامل ہے۔
واضح رہے کہ الجزائر کے وزیر اعظم ایمن بن عبدالرحمٰن نے کل جاری کردہ بیان میں آگ کے نتیجے میں 25 فوجیوں اور 17 شہریوں سمیت 42 ہلاکتوں کا اعلان کیا تھا۔
