کراچی: آج دبئی کا برج خلیفہ پاکستان کے سبز ہلالی پرچم کے رنگ میں رنگ دیا جائے گا۔
ایکسپریس نیوز کے مطابق پاکستان کے 75 ویں یوم آزادی کے موقع پر آج دبئی کا برج خلیفہ پاکستانی پرچم کے رنگ میں رنگ دیا جائے گا، یہ پروقار تقریب پاکستانی وقت کے مطابق شام 7 بجے ہوگی۔
برج خلیفہ کو ایل ای ڈی لائٹس کی مدد سے پاکستانی پرچم کی شکل دی جائے گی، پاکستانی پرچم کے رنگ سے مزین برج خلیفہ کو ہزاروں شہری دیکھیں گے، اس موقع پر دبئی کی فضائوں میں پاکستانی ترانے کی گونج ہوگی، ملی نغمہ ”ہم ایک ہیں” پر ثقافتی رقص بھی کیا جائے گا۔
یوم آزادی کی یہ تقریب پاکستان پویلین دبئی ایکسپو 2020 کے تحت سجائی جائے گی، پاکستان پویلین دبئی ایکسپو کا تھیم بھی لائونچ کیا جائے گا اور لوگو کی بھی رونمائی ہوگی۔
