وفاقی دارالحکومت کے سیکٹر جی الیون تھری میں ڈاکوؤں نے دن دیہاڑے اہل خانہ کو یرغمال بناکر 1 کروڑ40 لاکھ روپے کی نقدی و زیورات لوٹ کرفرارہوگئے۔
ایکسپریس نیوز کے مطابق سیکٹر جی الیون تھری مین ڈبل روڈ کے رہائشی میر خان نے پولیس کو بتایا کہ وہ دوپہر ڈھائی بجے کے قریب اپنے گھر سے جی ایٹ جانے کے لیے نکلے ہی تھے کہ 4 نامعلوم ڈاکوؤں نے ان کے گھر میں گھس کے میرے بیٹے شعیب میر، بیوی اور دو بیٹیوں کو یرغما ل بنا لیا۔
ملزمان نے گھر کے اوپر والے پورشن سے 1 کروڑ 36 لاکھ روپے کی نقدی اورسونے کے دو کڑے لوٹ کر فرار ہوگئے، مجموعی طور پر ان کی مالیت 1 کروڑ 40 لاکھ روپے بنتی ہے۔میر خان کا کہنا ہے کہ ملزمان میں سے ایک پشتو جب کہ باقی اردو بول رہے تھے جنہیں سامنے آنے پرہم پہچان سکتے ہیں۔ پولیس نے مقدمہ درج کرلیا ہےلیکن ابھی تک ملزمان کاکوئی سراغ نہیں مل سکا ہے۔
