نوابشاہ(نمائندہ جسارت )مسلم لیگ ن کے کارکنوں نے نواب شاہ پریس کلب کے سامنے نے ملک میں حالیہ مہنگائی کے طوفان کے خلاف پی ڈی ایم کی اپیل پر احتجاجی مظاہرہ کیا اور وزیراعظم کے خلاف سخت نعرے بازی کی۔ مظاہرین نے ہاتھوں میں پارٹی پرچم اور بینرز اٹھا رکھے تھے۔ مظاہرے میں شریک مشتعل کارکنوں نے وزیراعظم عمران خان کا پتلا بھی نذر آتش کیا۔ احتجاجی مظاہرے سے مسلم لیگ ن کے ضلعی صدر جی ایم شاہ،سلیم شیخ،ارشد آرائیں،غلام مصطفی جٹ،حفیظ کھوسو،آغا عاصم و دیگر نے خطاب کرتے ہوئے کہا کہ عمران خان نیازی نے مہنگائی کرکے غریب عوام کو خودکشی کرنے پر مجبور کر دیا ہے پی ٹی آئی عوام کو ریلیف دینے میں مکمل ناکام ہوچکی ہے۔
