کابل: طالبان نے ملک میں غیر ملکی کرنسی کے استعمال پر پابندی لگادی ہے۔
ترجمان طالبان کا کہنا ہے کہ ملک میں غیر ملکی کرنسی کے استعمال پر پابندی لگادی گئی ہے، عوام لین دین کیلئے افغان کرنسی کا استعمال کرے۔
ان کا کہنا تھا کہ یہ فیصلہ ملک کی معاشی صورتحال اور قومی مفاد کو مدنظر رکھتے ہوئے کیا گیا ہے۔
خیال رہے کہ افغان مارکیٹوں میں بڑے پیمانے پر امریکی ڈالرکا استعمال ہوتا ہے جب کہ سرحدی علاقوں میں تجارت کے لیے پڑوسی ممالک کی کرنسی استعمال ہوتی ہے۔ تاہم اب طالبان کی جانب سے غیر ملکی کرنسی کے استعمال پر پابندی لگادی گئی ہے۔
